聲

發現鐘意一个人係因为佢把聲似另一个人，於是今天開始聽返＂讀賣Sunday＂多谢王貽興嘅聲音療法! 

保養

个人保養同資產保養都係不可或缺，收到驗窗通知，又要揾人打價，又要準備冇左一舊。相对个人，保養相对易好多，幾佰蚊唔駛，就有sk2效果，應该值得試试吧! 卅几，尴尬位，用太貴又唔需要，太平果D，真係要自己搏一搏，中價貨，多到唔識㨂，有信心，有質數，萬中只得一。二! 我哋嘅生活其中一个使命，就係要識揀! 揀樓，揀股，揀男人, 仲有揀個人護理產品!

Wake

突然發現，原来有價有巿，到底去定留。沽左再改变投资组合，還是take risk繼續長線持有? 正如我層黃埔升左，應賣左，再轉買Yoho/將軍澳/之類再留80-100万等机会? 感情同投资都係我今年嘅迷思!   不过開心事始终發現其实自己還是有market! 

0315

冇做功课，信錯料，只有慢慢等，好彩有息收 5000x0.22 好过冇

第一次成绩单!

0083 - $0.38： 对。這是我人生第一次收股息!  多謝由買樓blogger到股票blogger嘅inspiration。雖然最終以3間屋為目標，在等待中正在學習，向完全財務自由進發!  （多謝phoebe姐，財叔，屋企，中銀，渣打! 感謝神）

Property : Toronto

上星期去睇左Toronto一个盤 。Musée。一直都想為回流作準備，但稅務問題確實有疑團，而家了解多左，行多一步! 第3層樓應邁進多一步! 希望樓市可以等等我! 我努力緊㗎啦!

我唔知投資多倫多好定唔好，但如果我已決定一段時間後就回去（3年。5年。10年仲未知）咁係咪應係我仲有購買力時買左佢，一了百了，定係仲要consider加息，bubbles之類嘅因素? 

 

一間500單位約HKD $2.2m對香港投資者真係有限$，但跟當地朋友再談及，佢地卻說樓價己到泡沫! 但係呢邊當我看到更多更多大陸留學生及移民潮向外湧時，呢股超級勢力是否已正在維繫世界主要城市的樓價? To buy or not to buy is a very very big question!

Oct : Taiwan Pride

 年年都撞上海展覽同台灣Gay Pride,今年決定縮短上海行程，趕去台北! 感覺是，原來我還未至於差到冇人要!有D網上名人在㒺上張張靚仔到不得了，見到真人，＂嘩＂真係好靚仔，但係望多眼，点解好似冇係相睇咁吸引!  突然發現，靚仔係一眼，到埋身时，又另一回事!

睇人同睇樓好似都好似! 新樓有靚裝。名气；舊樓呢，要重新保養。但實用好住. 不过我需這樣想，但对方呢?! 

Really treasure the moment with all group of friends! 

湯包 vs. 小籠包

兩者有咩分別?

小籠包：未必有湯 

湯包：有湯是必然的!

My fav. @ Shanghai

堅有蟹粉的蟹粉小籠!

呢間食左5年啦! 湯亦是必飲! (Don't expect too much but I just like the soup)

Some update : Oct Shanghai

十月份的亮點： 出trip月! 第1站，上海。掛名行展覽，實際食蟹! 這一間。食左3年，一樣咁正！今年用團購¥200唔洗嘅蟹宴，係香港真係搵唔到! 第一次黎上海係2007年，之後差不多每年黎一次，到而家，依然欣賞這城市!

 

我最愛的 "Crab-in-drunk"

Ready for New Me (New You)

Want to know more? 

重整人生 @ 如新

財務自由是除了投資回報，更應擁有一份得到自我認同嘅工作，加入左nuskin 只有一季，得到的除了機會，更有多一個目標！要得到財富，更要一得到健康!傳消一直感覺負面，但一間多年歷史，無數認証的傅消企業，卻是信心肯定！我希望這裡亦能成為我財務自由的其中一部份!

人生何有知己

不經不覚我地識左十幾年! 我地係唔同生活圈嘅人。基佬。獨身中女。事業型cutie小女人，但就互相支持左十幾年! 走堂，撞車，選大學，畢業，搵工，失戀，失業，但幾時大家先有大家嘅家庭? 大家也向財務自由進發，但理念卻可以完全唔同! 只有祝大家生活愉快，快快樂樂! 友誼萬歳。love u gals~ to: Joy Luck Club

In progress

手始終要分，但又唔知幾時，所以做定準備，上網做下"research" 三十多四十歲男同志，有樣有身材，獨居／室友同居，卻大多沒物業，每月交貴租，做gym,置裝，一年二次BKK 二次台灣加一次歐遊／日本血拼，到底佢地係咪真係好高人工???佢地退休的700萬到底點儲?

好想有一個同自己可以相處，一齊生活，更可以一齊＂分擔＂生活嘅人，但市場上10個有8個3尾4頭嘅＂member＂ 高薪厚職（可能）但理財就~~唉 。分手夢碎後，只可在期待下一個出現時，趕緊修身，仲要努力向財務自由（獨身族version）做足準備 

Decision

I gotta stop! 到此為始 is what I should stand for!

Two person

兩個人同一空間，本來係好sweet，而家係困獸鬥! 一個堅持自己冇厄人，一個應為對方不忠誠，大家嘅選擇會係堅持還是放棄?

First post

估唔到第一個post竟然分享既係：我今晚差一點點就講左：＂咁我地分手啦!＂感情同投資係我心中都係講回報，到底兩個性格唔同既人係一齊，回報係點計? 一個男一個女可以用家庭黎做槓桿，做第一桶金，慢慢發大，但係兩個男人又可以用咩黎成為大家嘅槓桿，感情去到樽頸，又可以點? 放棄~~？ 呢一年睇左好多投資blog,好想搵到一個投資blog関於同志、関於投資，當唔可以兩公婆一齊做＂餅＂向銀行借錢，咁點可以將個＂餅＂做大呢?  總係覺得同志嘅投資組合係同一般嘅投資䇿劃係有分別，而且係＂要＂有D分別！ （我係一個追求財務自由，亦追求戀愛自由嘅＂同志＂）