Le Mont Saint-Michel (2017 May)

當計劃 2018年旅行, 如是去開 Paris 可以考慮留一日時間去 Mount St-Michel

下車後可步行或坐巴土去, 沿途好多遊客陪你一齊行 😍

2015年同ex去Paris 都有計劃要去, 結果因為唔知醒所以冇去.
除咗唔知醒, 仲因為當年ex話要自已搭車去,但出發前一日先知如果自己搭車去仲要即日來回, 係差唔多要清晨5點就去到火車站, 除咗一程火車仲要再加一程巴士, 當年我心諗咁辛苦不如唔好去 ... 最後連佢都唔知醒, 所以冇去!!

两年後, 2017 ... 事過便情遷,  同現任再去Paris, 佢知我未去過, 所以安排咗呢日行程 ... 好簡單, 佢出發前己經報咗 local tour!! 事實去呢D地方揾local tour 真係方便Ｄ.  價錢 US180/person ...

到處都係保有甚好的古建築

沿小巷一直上到教堂

     

跟Local Tour好處係饍食. 呢個tour包 hotel lunch唔係hea食

 US$180 per head 可能你會話貴, 不過如果選擇自己去就有以下concern:

。車程較長

。找車站

。計算車程連接時間

。最重要是導游講解
。團費亦包了當地酒店午餐, 絕對唔hea食!  

Mont Saint Michel 係古歐州嘅一個修導院, 亦係當時上流人士一個退修熱點, 好多地方都有一個故事以及文化宗教義意, 有一個導遊沿路講解真係好似上咗一堂活生生嘅西史課!




整個行程需要一整天, 早上六點半出發, 回到 Paris 已經晚上八、九點, 所以如果你打算去Paris 5-6日, 除咗Paris市內, 真係應該揾一日走一走呢個人生必去嘅其中一個世界遺產.

只有這手心的温度 . 最不真實，也最真實

最近加幣升返, 原因有人話係息口上升!
其實, 美國加息唔係一早已經加咗咩?  而且仲係鐵一般的事實! 而家先反映 , 係咪遲咗D?
Anyway, 加幣升咗呢件事係比自己預期早! 因為當年 (只係两年前, 2015年年尾) 我山長水遠買多倫多樓, 果時都係諗加幣升返分分鐘要等5年, 因為各國 keep 住大選, 經濟又冇話咩特別爆發, 所以只係為退休/ 第二次回流做準備.  

經過两年 (都冇) , 人工冇變, 經濟keep住話差, 但樓市同滙率就變咗 ... ... BF都轉咗!

今日為計一計 ~~~

2016年 

(Dec 2015 deposit, Feb 2016 成交)

樓價: CAD 240,000  (HKD$1,400,000) 

按揭: 65% -- CAD 157,000

首期: 35% -- CAD 83,000 (HKD$490,000) 

currency rate @ 5.85 

2017 年

樓價: 升 50% --> CAD 360,000 (HKD$2,232,000)

currency rate 升6% @ 6.2 

如果而家賣 :

CAD $360,000 - 供款餘額 CAD $146,000 = CAD $214,000 

TAX  大約: ($360,000-$240,000) x 0.25 = CAD $30,000

賣樓吐現: $214,000 - $30,000 = $184,000 (HKD$1,140,800)
賣樓賺約: $184,000 - $83,000 = $101,000 (HKD$626,200) 

而家呢個年代, 一年多少少, 由50萬到100萬, 就算打劫都未必揾到,  感恩仲有能力, 只希望財務自由可以快Ｄ實現.

P.S. :  只有這手心的温度 . 最不真實，也最真實

(王泡小泡、南小泡)

樓市泡沫 背熟冇得輸

一直睇D樓市報導話香港樓市危機四伏，怎麼內外結構改變，加息，鋼需，劏房豪宅。。。其實如果你求其背熟以下因數，係D朋友gathering拋吓書包，你都可以做未日大師！


（1）

樓價在歷史高位：

雖然息口在歷史低位，但負擔能力也在極低水平。單位呎數「鞋盒化」不是解決方法。

（2）

香港及全球經濟表面風光，靠不斷大量印錢支撐民粹及保護主義抬頭，超高槓桿資產泡沫隱憂，經濟 不確定(/單一行業) 持續上升，另一面香港成本上升 競爭力持續減弱，百業經營困難。

（3）

雖然過去幾年新增供應未符合預期，但依然將會持續上升；

所謂剛性需求，在樓市下跌時會大量消失，做成供過於求。

（4）

過去幾年全球資產市場（包括香港）大幅飆升，其中主要原因是超大量中國資金走出去，現在中國已關閘，銀根也正在收緊，對香港樓市的一條大水喉已關。

（5）

香港政府已表明不願意看見樓價持續上升，政策易緊難鬆。

（6）

加息（正常化）周期已開始，問題只在於加息速度有多快。

（7）

美元偏強代表資金流出，在這情況下，亞洲資產一般都冇運行。

（8）

這次樓市升浪，無論是從2003年或2008年起計算，都是香港史上最長的，樓市沒有只升不跌的神話。

2017 上半年。遊

12017 已過了一半 今年旅行特別多！

一月。Toronto 

二月。台北、東京

四、五月。荷蘭、比利時、法國

六月。峴港

可惜，去完峴港返嚟，公司話我請太多假！唉，下半年原本plan好去多3個旅行，只可以減剩Xmas 的 紐西蘭！

仲有5個月，點捱！

嚟緊唯有用呢半年重溫之前D開心回憶吧！

討厭的travel buddies

一班人，年年話去旅行，年年都夾唔到時間，最後決定一年前買定機票，無論去唔去到，各自取捨。

第一年work到！

今年，第二年嘗試！成功，但冇咗上年熱誠!  還記得上年去前大家一齊喺個group chat 傾去邊做D咩，今年冇咗囉，問去邊，大家話冇所謂，做D咩，冇所謂，只係話，我忙緊，去邊你話事啦！

咁不如下次參加旅行團咪算囉！

其實搵去邊做research冇所謂，只不過大家俾D誠意都好！我本身冇乜假，係自己私人假期特登抽出嚟同你哋諗住玩吓輕鬆吓，最後你地好似無人重視，咁無謂再攪啦！下年等我放乘D假或者冇扡拍再同你地去啦！ 

樓市一定跌, 因有八九十後

忽發奇想 香港D樓幾時會跌 ... ... 點解?

時間: 最快 8-10年的一個經濟跌浪

點解: 而家買樓的一部份係爸母俾首期, 第二代供每月萬五蚊左右.

到 8 -10 年之後, 呢類父母已經冇咩能力, 什至上咗天堂.

到 10 年之後佢地剛踏入中年危機.  如果呢幾年呢班第二代冇穩陣基礎, 一個浪埋嚟, 經濟衰

退大裁員 + 失業危機, 為咗 keep 住 quality of life, 每年去兩短一長嘅旅行, 佢地好多會選擇

downsizing, 賣樓減磅.

甚至另一批, 中年被裁, 揾唔返工, 被迫賣樓.

呢一羣都係現今以父母首期上車, 但冇為將來準備嘅現今八九十後!

如果由今日開始儲錢, 8-10年後, 就看看可唔可以係呢班人手上攞返上車權, 從後趕上!

希望在人間 ... ... 好好準備 , 等!